2013 春 - 三傻掹衫尾同遊東京 day 3 下 - 窮遊下北沢 ( 1 )

本來預算去自由之丘

但我身上得番幾千 yen

呢個算係高消費區

打退堂鼓

決定去下北沢

********


其實 plan 左去下北沢好多次

不過, 最終都係無去到

今次終於到此一遊了

由青山搭地鐵去涉谷

轉私鐵 --- 小田急線

我搭左快車

真係話都無咁快就到左了

我行北口先

( 隻手唔係我架 , 唔知點樣影到人地隻手 )

一出車站就見到無印良品

不過, 我無行

來到下町

緊係行街鋪喇

沿車站旁邊行

行到街尾就係月台

下北沢個車站月台 / 路軌同香港既輕鐵設計好類似

好喇, 開始行 d 商店了

呢個 雙面 tote bag 好吸引我

骷髏骨頭又係我心頭好

不過我都忍手無買

無 $$ 呀 ! 

連續行幾間店都無野 o岩

以為忍到手


不過, 來到呢間忍唔到了 !

刮卡 ( 其實我盡量唔係 d 小店到刮卡的 )

初頭只睇中 2 條裙我都忍到手唔買

但當我睇到一條鏤空的 scarf 就忍唔到了

識我既人都知我秋冬係巾不離身的

自從依從醫生吩咐唔好冷親條頸 , 我既假哮喘就好左好多了

咁好既藉口我一定要買呢條巾喇 ,

咁就順便買埋果 2 條裙

呢道除左 shopping

仲有唔少輕食店

可以係到逛足一日

唔錯  唔錯

東洋百貨店係一個小商場

裡面有好多小店

又刮多兩次卡喇



天呀 ! 太好買了吧 !

我已經忍住, 同一間店最少要睇中 3 件先出手架喇 !

日本都算流行呢類衫

我都打算買一件換下形象

呢件我有少少心動

但睇真 d

原來係我地既國貨來的

菊花牌

唔係化

來日本買國貨

而且我估香港 d 國貨都會有類似既款

心大心細

但最後都買左佢



不如玩個猜猜樂丫

估下幾錢

( 我估放大張相都睇唔到個價錢牌卦 ? )

繼續行

呢間野 d style 我幾鐘意

不過, 好貴呀 !

係呢道我又玩舉重呀

( 拎起 , 放低 , 又拎起 , 放低 )

最後因為唔夠 3 件的配額就放棄左睇中的野

尼到呢間無得忍了

睇中一條牛仔裙 ( 仲要係 last one )

即買

呢間店係吉祥寺同自由之丘有分店的

不過, 佢有 d 野係吉祥寺分店無的

吉祥寺分店又有 d 野係呢間無既

(好開心,  13 年7月時又係吉祥寺店買到心頭好 )

dr martens

放係店門口的全是特價貨

但呢 d 款有 d 在 hk 仍是正價

我12年7月時就用 3000yen 買左對 8 孔 boot

真係抵到裂呀 !

又一次玩舉重

呢到只係以本多劇場個名命名

真的本多劇場稍後見

( 事後大傻話佢地之前係呢個商場好大斬獲  最知我又入去八下喇 )

原來 giordano 係日本有分店

估唔到喎

大傻話呢間野可以一食

不過我唔敢食呀

怕飽得滯

食雪糕好了